Bai izendegia, eta bai kale eta enparantzen ordena
ere, 1994ko Beasaingo Gida-liburutik hartu ditut, gure herriko Udalak
argitaratu, eta urte bereko udazkenean Beasaingo familia guztiei
banatu zitzaiena. Izendegi horri, bertan azaltzen ez ziren hiru
plaza erantsi zaizkio.
Kale-izen hauek Beasaingo Udalaren Gobernu Batzordeak onartu zituen
1990ko ekainaren 28ko batzarrean. Horiek dira, beraz, ofizialak
gaur egun eta horiei egokitu behar gatzaizkie.
Baina aurrera egin aurretik, esan beharra dago herrietako kale-izen
hauek garai modernoetakoak direla, izan ere duela ehun urte, oraindik
ere, herriko etxe guztiak beren izenez ezagutzen baitziren. 1867ko
zentsua indibualki egin zen eta han adierazita agertzen dira auzoaren
izena, etxearena eta etxebizitza bakoitzeko biztanleak, eta hauen
maila ere bai: senarra, emaztea, semea, biloba, iloba, mirabea,
morroia, etab.; baina kaleak, nahiz eta ordurako hiruzpalau izan,
ezertarako aipatu gabe.
Kale bakoitzaren norabidea adierazteko garaian, alde batera utzi
ditugu geografi datu zehatzak, ez baitute praktikotasun handirik,
eta honako esaera erraz eta ulergarriagoak erabili ditugu, hots,
"haranaren norabidekoa" edo "haranaren zeharkakoa",
haranaren bihurguneak kontuan hartuz.
Liburuxka honetan agertzen diren 52 kale eta plazetako gehienak
mende honetakoak dira, izan ere, guk aztertutakoetan, kaleak azaltzen
dituen lehen zentsuak, 1910ekoak, hiriguneko biztanle guztiak bost
kaletan bakarrik banatzen baitzituen: Mayor, Santa Maria, Estación,
Bideluze eta Nueva kaleetan, hain zuzen ere.
Kale-izen bakoitza aztertzerakoan testuen luze-laburrari dagokionez,
erraz ulertzeko modukoa da nahitanahiez ezberdintasun handiak egon
behar dutela. Ez baita berdina pertsona baten bizitzan zehar gertatutakoak
adieraztea, edo toponimo baten esanahia zehaztu edo, askotan gertatzen
den bezala, antzinako baserri baten existentzia finkatzea.
Pertsonen eta beren ekintzen arteko loturak ikusita, ontzat eman
beharko da, alde batetik pertsona horien bizitza, eta bestetik ekintza
horien burutzea azaltzerakoan, hainbat xehetasun errepikatzea.
Konturatzen gara, gure ikerketan bildu eta idazlan honetan azaldutako
datuak asko izan arren, irakurle bakoitzak faltan nabarituko dituela
bere ingurumariko gertaera, oroitzapen eta gorabeherak, dudarik
gabe garrantzi handikoak izan ohi direnak. Aberastasun horrek guztiak
duen garrantzia ikusita, irakurle guztiei gonbidapena luzatu eta
erregu egiten diet beren eranskin partikularrak eginez lan hau osatzen
joan daitezen, horrela oinordekoei ondare mamitsua utzi eta hauek
etorkizunean gehiago aberasten jarrai dezaten.
KALE ETA PLAZEN IZENDEGIA
Andre Mari kalea
Arantzazu kalea
Barrendain plaza
Bideluze plaza
Bista Alai kalea
Dr. Fleming kalea
Erauskin kalea
Erauskin plaza
Errekarte kalea
Esteban Lasa kalea
Ezkiaga etorbidea
Florentzio Axpe kalea
Foru kalea
Garmendia Otaola kalea
Gernika pasealekua
Gipuzkoa plaza
Gudugarreta kalea
Igartetxe kalea
Igartza Oleta kalea
Ikasle zeharkalea
Joan Iturralde kalea
Joan XXIII.aren kalea
Jose Martin Arana kalea
Jose Migel Barandiaran kalea
Jose Migel Iturrioz kalea
Kale Nagusia Karobi kalea
Karreratarren kalea
|
Katea kalea
Lazkaibar kalea
Loinazko San Martin plaza
Lorategi kalea
Maria Arana Gaiztarro plaza
Mariarats kalea
Martin Aranburu kalea
Martina Maiz kalea
Mateo Muxika kalea
Mendeurren etorbidea
Nabarro Larreategi kalea
Nafarroa etorbidea
Nekolalde kalea
Oriako pasealekua
Oriamendi kalea
Peategi kalea
San Inazio kalea
Senpere kalea
Urbialde plaza
Zaldizurreta kalea
Zapatari kalea
Zazpiturrieta kalea
Zubimuzu plaza
Zelaeta kalea |
|
Beasaingo
Udala 
KARTOGRAFIA
KALE-IZENDEGIA
PAPERAK
> BEASAINGO KALE-IZENEN HISTORIA
