XIX. mendearen amaieran, Beasaingo herriak 2.000 biztanle inguru zituen eta 45 bat eraikin hirigunean. 1842 eta 1867ko udal erroldak eta 1889an buruturiko Gipuzkoako Errolda izan ziren abiapuntu, etxe horiei eta bertako bizilagunei buruz ikerketak egin eta, pixkanaka, zerbait gehiago jakiteko.

Lan honetan, beste mota bateko eraikinen bat aipatzearekin batera, XIX mendearen amaierako irudian ikusten diren etxeen izenak eta historia laburra ezagutuko ditugu. Herrian garrantzitsuak izan ziren eta abiapuntutzat hartu dugun argazkia egin zen garaian jadanik desagerturik zeuden hainbat etxe kokaturik egon ziren orube ezagun batzuk era abiatuko ditugu.

Hala ez iruditu arren, herriko etxeak, beren lur sailak, biztanleak eta ohiturak abiadura handian aldatu dira XIX. mendearen bigarren erditik XX. mendearen amaiera arte. Horren adibide dira Beasaingo hirigune zaharreko baserri, paisaia eta eraikinak. Beraiei buruzko argibideak bildu ondoren lan honetan aurkezten ditugun hirigune horretako 40 eraikinak bakarrik kontuan hartuz, zera ikusten dugu, horietako hogeita hamar desagertu egin direla, beste zortzi (horien artean Parrokia eta beronen mendeko bi etxeak) erabat edo zati batean berrituak edo eraldatuak izan direla, eta 1999an bi eraikin bakarrik zirauten (nahiz eta bi aurri-egoeran egon) fatxada XIX. mendearen azken laurdenean bezala zutenak.

1.- Beasaingo Udaleko Kultura Sailera joan edo Turismo Bulegora (Igartzako ermitan) eta dagokiona ordainduz

2.- Beasaingo Udaleko Kultur Sailera idatzi bat bidaliz zein liburu eskatzen den azalduz (Bidalketa gastuak ere ordaindu behar dira)

3.- INTERNET BIDEZ ESKATUZ
Eskatzailearen datuak eta helbidea azalduz. Udalak berriz korreo bidez bidaltzen du eskatutako alea "Ordainketaren truke" eta hartzaileak ordaintzen du liburuaren salneurria eta bidaltzeak sorrarazten dituen gastuak.