Auzateria osoari edo horren zati garrantzitsu bati dagozkion hornidura zerbitzuak ustiatzen dituzten enpresen aldeko bide publikoen lur, lurrazpi edo lurgainaren erabilera pribatuko edo probetxamendu bereiziengatiko prezioa aipatu enpresek udal barrutian urtean eskuratzen duten fakturaziotik datozen sarrera gordinen %1,5ekoa izango da.

Ondorio horietarako, zerbitzu horien enpresa ustiatzaileen artean zerbitzu horiek banatu eta merkaturatzen dituztenak sartuko dira.

TARIFA APLIKATZEKO ARAUAK.

Ekitalde bakoitzaren lehen lau hilabetetan enpresek udal barrutiaren barruan egindako hornidurarengatik lortu sarreren aitorpena egingo dute, aurreko urtean lortutako sarrera gordinak zehazki azalduz.

a) Aipatu aitorpenarekin batera enpresaren kontabilitateko laburpena eta kasu bakoitzean Udal administrazioak eskatuko dituen agiriak, aurkeztu beharko dira.

b)  Udal Administrazioak prezio publiko honen zehazketa edo behin behineko kobraketa egingo du, hori egin ondoren 5 urteetan ordaindu beharreko zenbatekoa zuzendu ahal izango delarik eta, epe hori iraganik, kasua bada, behin betikotzat izango da.

A) Espaloiko pasabideen zabalera, zintarria jeitsirik dagoeneko metro karratuen arabera zehaztuko da zintarrian dagoenean. Espaloiko zintarria jeitsirik ez balego eta espaloia kendu gabe, neurria guztira, kasu bakoitzeko lokal edo orubera sartzeko hutsunearen luzera erabilgarria izango da.

B) Lokal batek bi edo pasabide gehiago izango balitu, lehenak dagokion epigrafearen arabera ordainduko du tarifa eta gainerakoek dagokien prezio publikoaren %50eko murrizketarekin.

C) Pasabideak jarri, mantendu, erreformatu nahiz kentzeko eta aparkalekuen erreserbarako hala nola horien seinalizaziorako gastuak, eskatzaileen kontu eta kargurakoak izango dira.

D) Alta berrietan, eraisketengatiko bajetan, hondamen deklarazioetan edota Administrazioak garajera sarrera galarazten duen kasuetan, kobraketa udal domeinu publikoaren hasiera edo amaieraren arabera proportzionalki egingo da.