a)100eko 95era bitarteko hobaria, eraikuntzak, instalazioak edo obrak interes berezikoak edo udal onurakoak izendatuta daudenean, etxebizitza babestu berrien eraikuntza barne, zirkunstantzia sozial, kultural edo historiko-artistikoak izateagatik edo enplegua sustatzeko baliagarriak gertatzeagatik. Izendapena eta hobariaren ehunekoa Udal Batzarrak onartu beharko du, eta subjektu pasiboak eskatuta erabakiko da, batzarkideen gehiengo soilaren aldeko botoekin.

b)  Udalarentzat interes berezikotzat izendatzea berriak ez diren eta halako elementurik ez duten higiezinetan igogailuak, arrapalak, plataforma jasotzaileak eta antzeko elementuak jartzea, sortutako zergan %95eko hobariaz gozatu ahal izan dezaten.

Ez zaie izendapen hori ematen etxebizitzen barruan elementu horiek instalatzeko obrei.

%2 zerga tipoaren aplikazioari dagokionez, etxebizitzen birgaiketa eta merkataritza lokalen modernizatzea ondoren adierazten den moduan ulertzen da: erreforma lanak suposatzen dutelarik, %50 baino gehiagoko egitura-elementuak afektatzen ez dituenean eta goi mailako teknikoaren proiektua behar ez denean.

Jarduera berria jartzeko edota jarduera aldatzeko, lokaletan itxuratze lanak egin behar direnean, %4,85eko tipo orokorra aplikatuko da.